திருத்தந்தை: வாழ்க்கையின் சிரமங்களுக்கு மத்தியில் மரியா ‘பாதுகாப்பான அடைக்கலம்’

திருத்தந்தை: வாழ்க்கையின் சிரமங்களில் மரியா ‘பாதுகாப்பான அடைக்கலம்’

எடுவார்டோ கிரிபால்டி

வாழ்க்கையின் சிரமங்களுக்கு மத்தியில் “பாதுகாப்பான அடைக்கலம்” என பாரம்பரியமாக அழைக்கப்படும் அன்னை மரியா, போர்களால் காயமடைந்த உலகிற்கு ஆறுதலின் ஆதாரமாக இருக்கிறார் என்று திருத்தந்தை லியோ XIV புதன்கிழமை தெரிவித்தார்.

பொது சந்திப்பின்போது பேசிய திருத்தந்தை, விசுவாசிகள் ஜெபமாலை ஜெபத்தின் மூலம் அன்னை மரியாவை நாடுமாறு மீண்டும் வலியுறுத்தினார்.

அன்றைய தினம் திருச்சபை “ஜெபமாலை அன்னை”யின் திருநாளைக் கொண்டாடிய நிலையில், திருத்தந்தை இந்த அழைப்பை விடுத்தார்.

புனித பேதுரு சதுக்கத்தில் இருந்து பேசிய திருத்தந்தையின் குரல், கடந்த ஞாயிற்றுக்கிழமை மூவேளை ஜெபத்தின்போது அவர் விடுத்த அழைப்பை மீண்டும் எதிரொலித்தது. இதற்கு முன்பாக, செப்டம்பர் 27 அன்று லூர்து நகரிலும் இதே அழைப்பை அவர் விடுத்திருந்தார்.

போர்த்துகீசிய மொழி பேசும் விசுவாசிகளுக்கு வாழ்த்து தெரிவித்தபோது, பிரேசிலின் பாதுகாவலியான “அபரேசிதா அன்னை”யின் திருநாள் அக்டோபர் 12 அன்று கொண்டாடப்படுவதையும் திருத்தந்தை குறிப்பிட்டார். “அவரது தாய்மையான பரிந்துரையிடம் உங்களையும் உங்கள் குடும்பங்களையும் ஒப்படைக்கிறேன். அன்னை மரியா எப்போதும் உங்களைப் பாதுகாத்து வழிநடத்துவாராக” என்று திருத்தந்தை லியோ கூறினார்.

சீன மொழி பேசும் திருப்பயணிகளிடம் உரையாற்றிய அவர், சிரமம் மற்றும் துன்பத்தின் நேரங்களில் அன்னை மரியா “அடைக்கலமும் வலிமையும்” அளிப்பவர் என்று குறிப்பிட்டார்.