క్యాథలిక్ కుటుంబాల కోసం డిజిటల్ విప్లవం: ఉత్తర ప్రాంత ఫ్యామిలీ కమిషన్ నూతన డిజిటల్ హబ్ ఆవిష్కరణ!

క్యాథలిక్ కుటుంబాల కోసం డిజిటల్ హబ్: 'నార్తర్న్ రీజినల్ ఫ్యామిలీ కమిషన్' నూతన పోర్టల్ ప్రారంభం! న్యూఢిల్లీ — మారుతున్న ఆధునిక కాలంలో కుటుంబ బంధాలను బలోపేతం చేయడానికి మరియు దంపతులకు ఆధ్యాత్మిక మార్గదర్శకత్వం అందించడానికి నార్తర్న్ రీజినల్ ఫ్యామిలీ కమిషన్ (Northern Regional Family Commission) ఒక వినూతన డిజిటల్ వేదికను అందుబాటులోకి తెచ్చింది. సెప్టెంబర్ 24న న్యూఢిల్లీలోని ఆర్చ్‌బిషప్ హౌస్‌లో జరిగిన ప్రత్యేక కార్యక్రమంలో ఢిల్లీ ఆర్చ్‌బిషప్ అనిల్ జె.టి. కూటో ఈ అధికారిక వెబ్‌సైట్‌ను ప్రారంభించారు. ఫ్రాన్సిస్ పోప్ గారి పిలుపునకు అనుగుణంగా.. ఈ పోర్టల్‌ను ప్రారంభించిన సందర్భంగా ఆర్చ్‌బిషప్ అనిల్ కూటో మాట్లాడుతూ.. కుటుంబాల జీవిత ప్రయాణంలో వారికి తోడుగా నిలవాలని ఫ్రాన్సిస్ పోప్ గారు ఇచ్చిన పిలుపునకు ఈ డిజిటల్ హబ్ ఒక చక్కని నిదర్శనమని పేర్కొన్నారు. వేగంగా మారుతున్న సమాజంలో సమస్యలు, సవాళ్లు ఎదుర్కొంటున్న కుటుంబాలకు ఈ వెబ్‌సైట్ ఒక మార్గదర్శిగా, నిరీక్షణకు మూలంగా నిలుస్తుందని ఆయన ఆశాభావం వ్యక్తం చేశారు. ఢిల్లీ బిషప్ దీపక్ వి. తౌరో ఈ పోర్టల్ యొక్క సులువైన రూపకల్పనను, ముఖ్యంగా యువతకు మరియు కుటుంబాలకు చేరువయ్యే విధానాన్ని ప్రశంసించారు. జీవితంలోని ప్రతి దశకూ ప్రత్యేక ఆధ్యాత్మిక వనరులు పోప్ ఫ్రాన్సిస్ రాసిన 'అమోరిస్ లేతీషియా' (Amoris Laetitia - ప్రేమ ఆనందం) పత్రం వెలువడి 10 ఏళ్లు పూర్తయిన సందర్భాన్ని పురస్కరించుకుని ఈ వెబ్‌సైట్‌లోని వనరుల విభాగాన్ని ప్రత్యేకంగా తీర్చిదిద్దారు: పెళ్లికి సిద్ధమవుతున్న నిశ్చితార్థ జంటలు నూతనంగా వివాహమైన దంపతులు మధ్య వయస్కులు వయోవృద్ధులు ఇలా జీవితంలోని ప్రతి దశలో ఉన్న దంపతులకు అవసరమైన ఆధ్యాత్మిక వ్యాసాలు, ప్రార్థనలు, మరియు శిక్షణాంశాలు ఇందులో పొందుపరిచారు. దంపతులు తమ బంధాన్ని పటిష్టం చేసుకుంటూ, రోజువారీ జీవితంలో ప్రేమ యొక్క ఆనందాన్ని అనుభవించడానికి ఇవి తోడ్పడతాయి. హిందీ, పంజాబీ భాషల్లో తక్షణ అనువాదం & మ్యాట్రిమోనీ సహకారం ఉత్తర భారతదేశంలోని వివిధ ప్రాంతాల ప్రజలకు ఈ వనరులు సులభంగా అర్థమయ్యేలా గూగుల్ ట్రాన్స్‌లేట్ ద్వారా హిందీ, పంజాబీ భాషల్లోకి తక్షణ అనువాద సౌకర్యాన్ని వెబ్‌సైట్‌లో కల్పించారు. అంతేకాకుండా, క్యాథలిక్ యువతీ యువకులు వివాహ బంధంలోకి అడుగుపెట్టేందుకు వీలుగా 'క్యాథలిక్ కనెక్ట్ మ్యాట్రిమోనీ' (Catholic Connect Matrimony) తో భాగస్వామ్యం వహించి సేవలు అందించనున్నారు. ఈ పోర్టల్ www.familycommissionnorth.in చిరునామాలో అందుబాటులో ఉందని, ఫ్యామిలీ కమిషన్ రీజినల్ ఎగ్జిక్యూటివ్ సెక్రటరీ ఫాదర్ జార్జ్ మణిమాల తెలిపారు.